हाम्रो बारेमा

समाजमा संञ्चालित विभिन्न संघ संस्थाहरुको अवधारणागत, नीतिगत, व्यवस्थापकीय र विभिन्न संञ्चालन समस्याहरु छन् जसले दीगो संचालन र विकासमा थप जटिलता देखिएको छ । नेपालको शिक्षा प्रणालीमा प्राविधिक तथा व्यहारिक शिक्षाको अभावले दक्ष जनशक्ति उत्पादन हुन नसक्ने, छरितो र पारदर्शी कार्यशैलीको अभाव समेत आजको समस्या हो । संस्था स्थापना गर्न सजिलो छ तर संस्थाको दीगो संचालन र विकासका लागि चाहिने रणनीतिक कौशल एवं योजनागत अभ्यासको अभाव देखिन्छ । मानव संसाधनको विकास, उचित स्थानमा पदस्थापना एंव स्थानान्तर र तालिम एवं आवश्यक सीप ज्ञानको कमी एवं अद्यावधिक नभएको कारण थप समस्या उत्पन्न भईरहेको अवस्था छ । यसो हुनुमा संस्था संचालक तथा उच्च व्यवस्थापनमा भएका पदाधिकारीहरुको दैनिक कार्य प्रतिको व्यस्तता, सोच र उचित व्यवस्थापकीय विज्ञ परामर्शको कमी भएको हो । यी सबै अवस्थाहरुको विश्लेषण गर्दा, संस्था संचालक, उच्च व्यवस्थापन एवं सम्पूर्ण सदस्यहरुको क्षमता, सीप, दक्षता र सदस्य एवं सरोकार निकायहरुको संस्था प्रतिको अपनत्व, भाव र खास श्रृजना गर्नु आजको आवश्यकता रहेको छ ।

बिशेषगरी सहकारी क्षेत्रको दीगो विकास विभिन्न समस्यालाई ह्दयगम गरी व्यवस्थापन प्रक्रियामा देखिएका समस्याहरु, र समग्र संस्थाको सुद्धिढीकरण, शुद्धिकरण, र स्तरीय संचालनका लागि पहल कदमीको प्रयास शुरुआत भएको छ । सहकारी क्षेत्रमा देखिएको केहि समस्याहरुमा सहकारी सिद्धान्तमा विचलन, मुल्य मान्यता र आर्दशको व्यवहारिक कार्यान्वयनमा कमी, पारदर्शी व्यवहार, ज्ञान, सीप र मनोबृत्ति (ASK) मा देखिएको कमजोरी, सुशासनको अभाव जसमा नीति, नियम, आन्तरीक कार्यविधि र कार्यप्रणाली अनुसार संचालन नहुनु, व्यवसायिक वातावरण विश्लेषण साथै रणनीतिक सोच र योजनाबद्ध संचालनमा अभाव, विभिन्न तालिमहरु, क्षमता अभिबृद्धि, वित्तीय व्यवस्थापन र मानव संसाधन एवं स्मार्ट व्यवस्थापनमा कमी देखिएको छ । अतः यिनै बिषयवस्तुहरुमा बिज्ञ परामर्श, र व्यवस्थापकिय सहजीकरण उपलव्ध गराउने मुख्य उद्देश्य सहित स्थापना भएको विज्ञहरुको समुह नै यस इन्स्टीच्युट फर कोअपरेशन एण्ड सोलुशन (आई.सि.एस.) नेपाल हो ।

दुरदृष्टिः “सफलताका लागि सहकार्य” कुनै पनि संघ, संस्था एवं व्यवसायलेसोचे अनुसारको उपलब्धी हासील गर्नमा सहकार्य
मार्फत सफलता दिलाउने ।

ध्येयः कम्पनीले संघ संस्थाहरूको व्यवसायीक, वित्तीय, व्यवस्थापकीय सफलतामा सहयोग तथा सहकार्य गर्ने

मुख्य उद्देश्यहरु

• सम्पूर्ण सहकारीहरूको वित्तीय व्यवस्थापन, बचत तथा ऋण व्यवस्थापन, व्यवसायीक योजना निर्माण, कर्मचारी व्यवस्थापन, सहकारी मार्फत स्वरोजगार श्रृजना आदी क्षेत्रमा परामर्श सेवा प्रदान गर्नु । 
• सहकारी संस्थाहरूको व्यवसाय विकास, लेखा व्यवस्थापन, कर योजना, सुशासन कायम गर्न मासिक परामर्श सेवा प्रदान
  गर्नु । सहकारी तथा अन्य व्यक्तित्व विकास सम्बन्धी तालिम संचालन गर्नु ।
• विभिन्न सरकारी तथा गैर सरकारी निकायहरूमा सहकारी, नीजि, तथा सार्वजनिक क्षेत्रका विविध आयाम र कार्यहरूमा
  सहकार्य,
• नेपाल सरकार तथा विभिन्न तहगत निकायहरू संगको सहकार्य मार्फत सहकारी क्षेत्रको जोखिम रहित तथा दीगो
  विकासमा परामर्श सेवा उपलव्ध गराउने,
• वित्तीय क्षेत्र, सहकारी लगातका क्षेत्रमा लामो अनुभव भएका व्यक्तिहरूका पुस्तक प्रकाशन तथा बिक्री एवं वित्तरण, ।